Gedicht....mich hat´s wieder einmal erwischt ((M)Essies)

Anneliese, Montag, 21.03.2005, 22:58 (vor 6983 Tagen)

I gschpia die Zukunftsängste pua
Mit jedm Tick-Tack von der Uah

O Gott…..von Zuversicht koa Schpua.

So miad bin i…..was mach i nua

mit mia und meina Angstnatua?

Mei Hoffnung hängt an aana Schnua,

die abgwetzt wiad , weil i net schpua?.

Mi übertrifft a jede Kuah

mit ihra Wiesnfresskultua,

nua kummt bei mia nix mehr retua.

I ieß a vü zu große Fuah

voa lauta Frust glei in da Fruah.

Den ganzn Tag…….in aana Dua.

I ieß und ieß und kriag net gnua.

Mei inn´ra Schweinehund bleibt schtua

und japst auf englisch :“I`m so schua !“

Des heet er gern , der faule Bua.

I zaag eam jetzt mein neiche Tua

in Form von aana Selfmadekua.

Wonn i mei Jetztmögliches tua

in aus- und einatmender Ruah,

gibt Gott sein Segn dann dazua?